Presidente i dos miembro di Hunta di Komisario

Bo ke hasi un impakto komo komisario di un kompania di gobièrnu ku ta konektá Hulanda Karibense di forma digital? 

Saba Statia Cable System B.V., establesé na 2013, ta un kompania 100% di gobièrnu bou di maneho di Ministerio di Asuntunan Interno i Relashon den Reino (BZK). E kompania ta responsabel pa instalashon, maneho i eksplotashon di kabel di fibra di glas supmarino ku ta konektá Saba i Sint Eustatius via un infrastruktura digital regional i internashonal. Asina Saba Statia Cable System B.V. (SSCS) ta realisá un ròl vital pa garantisá konektividat digital konfiabel, seif, i kapas pa enfrentá futuro pa Hulanda Karibense.

SSCS ta operá komo un sistema di kabel habrí kaminda tenedó di konseshon di telekomunikashon internashonal por kumpra kapasidat bou di kondishonnan ekivalente. E organisashon mes no ta suministrá servisio na  usuarionan final, sino ta forma un wowo di kadena krusial den aksesibilidat digital di e islanan, i ademas ta suministrá konektividat na diferente departamentu di Gobièrnu Sentral i otro organisashonnan públiko na Hulanda Karibense. SSCS ta operá den un alrededor di telekomunikashon komersial i ta traha konforme merkado i di un forma ku ta kubri gastunan.

Despues di su lansamentu, SSCS a desaroyá bira un kompania di gobièrnu stabil ku ta operá den un sektor komersial. SSCS no ta un organisashon di ehekushon di gobièrnu, sino un kompania independiente ku mester  operá di un forma ku ta kubri gastu, denter di e kuadro di telekomunikashon pa BES. Na mes momentu, e organisashon ta den un fase kaminda fortalesimentu i stabilisashon mas aleu ta nesesario. E balor stratégiko di e infrastruktura i e kompleksidat kresiente di e enkargo ta pidi un organisashon di governance apropiá pa siguiente fase di e desaroyo aki.

Den e konteksto ei lo instalá un Hunta di Komisario ku ta aportá na un repartishon di papel kla, un diálogo stratégiko fuerte, i un sistema di supervishon i responsabilisashon transparente. E hunta ta supervisá funshonamentu di e direktiva, ta sostené nan ku feedback i konseho kaminda esaki ta na su lugá, i ta fungi komo sparringpartner i partner di kòmbersashon krítiko den problemátikastratégiko i di governance.

SSCS ta un organisashon relativamente kompakto ku un okupashon fiho limitá, ku ta operá den un konteksto di servisio eksterno i kolaborashon estrecho ku partidonan eksterno i gobièrnunan. E gerensia ta responsabel pa guia diario i ademas ta move den un kampo di stakeholderku ta mas kompleho ku por pensa ora konsiderá tamaño di e organisashon. E kontribushon di  Hunta di Komisario ta pa gerensia por kumpli ku e papel aki ku sufisiente espasio, lusides i kontinuidat, dor di pensa huntu ku nan a base di punto prinsipal tokante rumbo, riesgo, i e relashonnan di kolaborashon, i dor di pèrkurá pa un kuadro di gobernashon profeshonal i stabil.

Asina, ku instalashon di e Hunta di Komisario lo tuma un paso importante den profeshonalisashon mas aleu i kapasidat pa enfrentá futuro di SSCS.

Futuro desaroyo

SSCS pronto ta bai sigui fortalesé infrastruktura digital mas aleu na Hulanda Karibense, inkluso e fortalesimentu ku a disidí tokante di dje kaba, i ekstenshon di infrastruktura digital na Boneiru. Den e kuadro ei, Hunta di Komisario ta pèrkurá pa desishonnan di invershon kouteloso, forma di kolaborashon adekuá, i un fihamentu di posishon duradero di SSCS den e ambiente regional di telekomunikashon.

E Hunta di Komisario

Hunta di Komisario ta konsistí di tres miembro i ta supervisá Hunta di Direktiva di SSCS. Hunta di Komisario ta konsehá tokante e eskohonan stratégiko i ta supervisá kontinuidat i ehekushon efikas. Hunta  di Komisario ta operá komo un tim kompakto i komplementario, kaminda diferente perspektivanan ta bini huntu i kaminda tin espasio pa feedback, debate, i responsabilidat kompartí.

Den bista di eskala di e organisashon i índole di e enkargo, lo buska komisarionan ku ta operá konforme nan funshon, ta kapas pa pensa huntu di forma stratégiko, i ta disponé di sensitividat atministrativo den Reino Hulandes.

Pa tur tres posishon ta konta ku konosementu di òf afinidat ku sektor di telekomunikashon ta un bentaha kla. Komprondementu tokante ekonomia insular — inkluso eskala chikí, invershon di ret ku ta rekerí hopi kapital, i tempu mas largu pa gana invershon bèk — ta esensial. Konosementu lokal i un ret relevante na Hulanda Karibense ta un balor adishonal pa kada funshon. Eksperensia ku kolaborashon entre e kompanianan di gobièrnu den Reino tambe ta importante.

1. Perfil presidente di Hunta di Komisario

Un perfil atministrativo i stratégiko: E presidente di Hunta di Komisario ta un supervisor eksperensiá ku outoridat i ku un bon bista general, ku tin kapasidat pa fortalesé funshonamentu di e Hunta di Komisario den su totalidat. E presidente ta un partner di kòmbersashon natural pa Hunta di Direktiva i akshonista. E presidente ta disponé di eksperensia amplio ku supervishon i gobernashon i tin komprondementu lúsido tokante separashon di papel, repartishon di responsabilidat i supervishon stratégiko. E sa di duna direkshon na agènda di Hunta di Komisario, ta stimulá un diálogo habrí i konstruktivo, i ta pèrkurá pa supervishon i asesoramentu fortalesé otro. E presidente ta kombiná lusides stratégiko ku e kapasidat pa konektá, i tin bista pa e konteksto atministrativo i kultural di Hulanda Karibense.

2. Perfil miembro di Hunta di Komisario ku un profil finansiero i ekonómiko i di riesgo

E miembro aki tin ekspertisio finansiero i di atministrashon di empresa sólido, manera ta kuadra ku un organisashon di infrastruktura ku ta rekerí hopi kapital. Spesífikamente, loke ta buska ta komprondementu di siklo di invershon denter di infrastruktura di ret, problemátika di finansiamentu den kaso di eskala limitá, i di funshonamentu den un ekonomia insular ku tempu  largu pa gana invershon bèk. E miembro ta kapas pa hasi pregunta krítiko tokante eskoho finansiero i tokante efikasia, ku bista pa kontinuidat  i durabilidat di e kompania i pa medioambiente.

3. Perfil miembro Hunta di Komisario ku un perfil ku un base sólido sosial i digital

E miembro aki tin konosementu tokante kontenido di infrastruktura digital, di telekomunikashon, òf di terenonan ligá. E miembro tin komprondementu di dinámika di e retnan digital i infrastruktura internashonal, i ta komprondé kon eskoho stratégiko tin impakto riba aksesibilidat, konfiabilidat i kapasidat pa enfrentá futuro. E miembro por splika kon eskoho di invershon i kolaborashon ta kontribuí na e metanan di internèt disponibel, konfiabel, sólido, i pagabel na Hulanda Karibense. Ademas e ta disponé di afinidat ku Hulanda Karibense i sensitividat pa konteksto i e relashonnan lokal.

Nombramentu, suèldu i prosedura

E akshonista, Ministerio di Asuntunan Interno i Relashon den Reino, ta nombra e miembronan di Hunta di Komisario pa un periodo di kuater aña. E nombramentu ta tuma lugá pa un periodo di kuater aña,  ku posibilidat pa un renombramentu konforme e instrukshonnan ku ta na vigor. E invershon di tempu ta un promedio di mas o ménos 4-6 reunion pa aña, inkluso preparashon, trabou pa  komishon, i sinkronisashon insidental. Den e fase inisial di e promé Hunta di Komisario aki, e frekuensia probablemente lo ta mas haltu. Ademas mester tene kuenta ku un biahe pa Hulanda Karibense un biaha pa aña. A stipulá e suèldu konforme e kuadro di Reino ku ta na vigor pa partisipashon den maneho di kompania di gobièrnu.

Den e prosedura aki, Ministerio di Asuntunan Interno i Relashon den Reino ta laga e ofisina di reklutamentu spesialisá Colourful People guia nan. Bo por solisitá dor di upload bo cv i motivashon (tur dos den pdf) pa mas tardá 19 di aprel via www.colourfulpeople.nl òf pa medio di kontakto direkto. Pa kontakto direkto òf pregunta tokante e funshonnan aki bo por papia ku mr. René Burgler-Roga, Partner Seniòr di Colourful People, via r.burgler@colourfulpeople.nl òf via 06 28 57 54 36. Direktamente despues di a risibí bo solisitut, lo tuma kontakto ku bo pa un entrevista di profundisashon promé ku selekshon. E entrevistanan ku komishon di selekshon probablemente lo tuma lugá fin di aprel/kuminsamentu di mei. Nos tin intenshon di finalisá e prosedura den luna di mei. 

Fuera di komisario eksperensiá, eksplísitamente lo krea espasio pa kandidato ku por proba di tin potensial, ekspertisio relevante tokante e kontenido, i sensitividat atministrativo, ku ta disponé di e kompetensianan korekto i ku ke i por desaroyá nan mes mas aleu den e papel di supervishon. 

Extra informatie / Informashon èkstra