Direktor-ehekutivo i tres miembro pa Hunta di Supervishon Fundashon CariFoodFund

Trahando huntu pa seguridat di kuminda den e parti karibense di Reino

Ministerio di Asuntunan Interno i Relashonden Reino (BZK) ta trahando riba e lantamentu di CariFoodFund, un fondo nobo strukturá komo un fundashon. Ku e fondo aki, ta tuma un paso importante pa fortalesé e seguridat di kuminda riba e seis islanan karibense di Reino. CariFoodFund lo stimulá produkshon di kuminda lokal, sostené akshonnan empresarial i kompartí konosementu, pa asina por produsí mas kuminda na un manera duradero i serka di kas. E intenshon ta pa diseñá e fondo di tal manera ku esaki ta keda drai kontinuamente.

Pa e fundashon nobo aki, nos ta buska:
1.    un Direktor-ehekutivo i
2.    tres miembro pa Hunta di Supervishon

Huntu nan ta duna forma na un organisashon orientá riba futuro ku ta yuda empresarionan krese, ta stimulá agrikultura i piskamentu inovativo i ta kontribuí na un suministro di kuminda lokal i salú riba e islanan.

Tokante CariFoodFund

A lanta e fondo, den e struktura hurídiko di un fundashon, ku e meta pa desaroyá i ofresé servisio pa empresarionan den e sektor di kuminda, ku ta na fabor di e oumento di seguridat di kuminda. Bou di seguridat di kuminda nos ta komprendé: “Tur hende tin akseso físiko i ekonómiko na tur momento na sufisiente kuminda, ku ta sigur i nutritivo i ku ta pas ku nan nesesidatnan di nutrishon i preferensianan di kuminda.”

Esaki ta e definishon ku Nashonnan Uní ta usa, i den e programa aki ta konektá ku e definishon di seguridat di kuminda ku Gobièrnu di Reino Hulandes ta usa. Aktualmente e islanan ainda ta dependé hopi di produktonan importá, loke ta hasi nan posishon vulnerabel.  CariFoodFund ke kibra e dependensia ei dor di sostené inisiativanan lokal i ofresé akseso na finansiamentu i konosementu na empresarionan. Ku esaki, CariFoodFund ta un institushon finansiero pa empresarionan.

Mester lanta un fondo di fiansa ku ta sigui drai kontinuamente i ku ta yuda empresarionan (tantu nobo komo eksistente) den e ret di kuminda ku diferente sorto di finansiamentu di negoshi. E fondo aki ta haña kapital inisial for di e Ministerio di BZK i mester  komplementá esaki ku finansiamentu for di bankonan i fondonan di penshun. Ademas, lo establesé un Akademia den e organisashon, ku ta ofresé training, coaching i interkambio di konosementu na empresarionan (tantu nobo komo eksistente) den agrikultura, hortikultura, krio di bestia i piskamentu. Asina ta lanta un infrastruktura duradero ku ta kontribuí na inovashon, oportunidatnan di trabou i nutrishon salú riba kada isla i for di forsa lokal.

E fondo lo haña un organisashon kompakto ku un direktor-ehekutivo i un tim chikí di profeshonalnan.  Lo organisá e aktividatnan di ofisina atministrativo for di e ofisina prinsipal na Hulanda. Riba e islanan, CariFoodFund tin konseheronan di negoshi ku ta pèrkurá pa e skrinmentu di petishonnan di finansiamentu i pa mantené kontakto ku e klientenan. E tim di maneho ta konsistí di un Konseho di Supervishon ku ta supervisá bon maneho, impakto sosial i uso responsabel di rekursonan.

Direktor-Ehekutivo – Pionero ku vishon i emprendimentu

E direktor-ehekutivo ta e promé ehekutivo di CariFoodFund i pa e motibu aki ta responsabel pa e konstrukshon i posishonamentu di e organisashon. Esaki ta un oportunidat úniko pa duna forma, for di e komienso, na un fondo ku tin un gran nifikashon sosial.

E tarea:

• Formulá un vishon evidente riba e mehorashon di seguridat di kuminda riba e islanan karibense.
• Traha huntu ku e Hunta di Supervishon riba un organisashon resistente pa futuro. 
• Duna guia na konstrukshon di e organisashon, inkluso desaroyo di maneho, diseño di prosesonan i reklutashon di trahadónan.
• Posishoná e fondo komo un partner konfiabel i di inspirashon pa empresarionan, gobièrnunan i finansiadó.
• Konstruí un ret duradero den Reino i representá e fondo den direkshon di stakeholders públiko i privá.
• Establesé un organisashon di krédito, ku ta pas den e guia di e entidatnan di supervishon lokal (bankonan sentral riba e islanan) i ku ta kumpli ku e eksigensianan di finansiadó/fundadónan den futuro.
• Ekspandé e fondo, pa logra krea un karakter ku ta drai di forma kontinuo, den kolaborashon ku finansiadónan eksterno manera bankonan i fondonan di penshun.
• Kuminsá ku maneho finansiero responsabel i kuminsá ku e despliegue di duna krédito na empresarionan.

Ken nos ta buska:

Un ehekutivo emprendedó ku ta konektá i orientá riba resultado, ku vishon stratégiko i finansiero i determinashon práktiko. Un persona ku por kambia entre maneho i ehekushon i ku ta duna guia ku konvikshon den un konteksto interkultural. Kualifikashonnan i eksperensia adishonal:

• Afinidat natural ku e islanan karibense i e konteksto ekonómiko i atministrativo. Eksperensia di trabou den e konteksto karibense ta un bentaha.
• Un estilo di liderazgo habrí i konektá, enfoká riba konfiansa i kolaborashon.
• Eksperensia den maneho di fondo i servisio finansiero na empresarionan, manera den un banko òf fondo.
• Eksperensia den duna guia na profesionalnan i lanta organisashonnan, preferiblemente den e sektor finansiero òf públiko.
• Ta konosí ku asuntunan di maneho i kolaborashon ku partnernan públiko i privá.
• Abilidatnan di network ekselente, fuerte den komunikashon i kapas pa konstruí relashonnan duradero. 
• Nivel di trabou i pensamentu akadémiko òf HBO, preferiblemente ku un konosementu den maneho di empresa òf finansiero.
• Maneho ekselente di e idiomanan hulandes i ingles, tantu verbal komo skirbí.
•  

Hunta di Supervishon: Supervisornan enbolbí ku vishon i ekspertisio diverso

E Hunta di Supervishon (RvT) na komienso ta konsistí di tres miembro i ta supervisá e realisashon di e mishon, e maneho stratégiko, e balor agregá sosial i e solides finansiero di e fondo. E RvT ta kumpli ku tres ròl: un ròl di supervishon, konseho i dunadó di trabou den direkshon di e direktor-ehekutivo.  Ku esaki, e hunta ta aktua di un manera independiente, profeshonal i for di embolbimentu ku e meta sosial di CariFoodFund. 

E Hunta di Supervishon huntu ta trese un spektro amplio i relevante di eksperensia serka otro. Den e hunta, e áreanan di eksperensia ta representá riba e tereno di maneho, operashon di negoshi i emprendimentu; finansiamentu di negoshi, fondonan ku ta drai kontinuamente i kolaborashon ku institushonnan finansiero; rapòrt finansiero, oudishon i maneho di riesgo; i konosementu di agrikultura, piskamentu i emprendimentu agrario. E diversidat di perspektiva nan aki ta pèrkurá pa un supervishon ekilibrá i pa konseho balioso den direkshon di e direktor-ehekutivo.

E komposishon di e RvT ta reflehá e tarea sosial amplio di CariFoodFund. Mínimo un miembro ta originá for di òf ta traha riba un di e seis islanan, pa asina konosementu i konteksto lokal ta ankrá firmemente. Mínimo un miembro tin eksperensia finansiero sólido, esensial pa e supervishon riba un fondo ku ta drai kontinamente i e kolaborashon ku finansiadó públiko i privá.

Den e RvT, e presidente ta hunga un ròl sentral i konektá. Komo e direktor di e proseso di supervishon, e presidente ta warda e kolegialidat den e hunta i ta pèrkurá pa un bon balansa entre supervishon, strategia i kolaborashon. E presidente tin eksperensia atministrativo i abilidatnan fuerte di presidí, ta mantené kontakto ku e Ministerio di BZK i ta tene kòmbersashonnan mensual di progreso ku e direktor-ehekutivo.

E miembronan huntu mester tin:

• Afinidat ku e mishon i e áreanan di trabou di e fundashon, manera emprendimentu, agrikultura òf piskamentu.
• Konosementu di e relashonnan sosial i atministrativo den Reino.
• Un ret relevante den e mundu di negoshi, e sektor finansiero òf instansianan públiko.
• Un aktitut independiente, krítiko i na mes momento kolegial. 
• E boluntat pa duna tempu i atenshon na e organisashon nobo aki.

Nos Ta Ofresé:

E kreashon di CariFoodFund ta un oportunidat úniko pa traha huntu for di e fundeshi riba un fondo ku tin un impakto sosial direkto riba e seguridat di kuminda den e parti karibense di Reino. Komo e promé direktor-ehekutivo òf supervisor, bo ta kontribuí na e konstrukshon di un organisashon ku ta fortalesé emprendimentu, ta stimulá produkshon lokal i ta krea oportunidatnan duradero pa e abitantenan di e islanan.  Bo ta traha den un ambiente kaminda balor públiko, kolaborashon i inovashon ta bin huntu.

CariFoodFund ta apliká su reglamentu di kondishonnan di empleo i skalanan di salario propio. Pa e direktor-ehekutivo, e salario primario ta rònt di € 130.000 bruto pa aña.  Esaki ta konektá na e Lei di Normanan pa Salario Máksimo i ta dependé di eksperensia di trabou. Lo fiha e remunerashon di e miembronan di e Hunta di Supervishon den e guianan bálido pa bon maneho den e sektor (semi)públiko i e guianan di WNT.

Ta elaborá e kondishonnan di empleo kompleto – inkluso e diseño di penshun, areglonan i maneho di gastu –  aktualmente i lo fiha esakinan na e kreashon formal di e fundashon. Ademas di kondishonnan apropiá, nos ta ofresé prinsipalmente e oportunidat pa hasi un kontribushon signifikativo na un fondo nobo, orientá riba futuro, ku ta traha riba kuminda salú i produsí lokalmente.

Bo ta interesá?

E Ministerio di BZK ta laga e büró di reklutashon i selekshon Colourful People konsehá nan den e prosedura aki. René Burgler, partner na Colourful People, gustosamente ta duna bo kontesta riba kualke pregunta. Bo a bira entusiasmá i bo ke usa bo eksperensia komo direktor-ehekutivo òf komo supervisor pa e CariFoodFund aki? E ora ei reakshoná mas lihé posibel, pero mas tarda 11 di yanüari 2026, ku un motivashon i curriculum vitae via e wèpsait di Colourful People. Na momento ku tin sufisiente kandidato ku ta kualifiká, nos ta sera e prosedura mas trempan.  Pa kualke pregunta, por tuma kontakto ku René Burgler, senior partner di Colourful People via: r.burgler@colourfulpeople.nl òf +31 6 28 57 54 36. 

Konforme e skema di fundashon, mandatarionan, ámtenarnan i kandidatonan ku un posibel konflikto di interes no por sinta den e direktiva òf e Hunta di Supervishon.  Partidonan eksterno ku tabata enbolbí den e preparashon tampoko no ta bini na remarke.

E kòmbersashonnan di selekshon ta tuma lugá fin di yanüari. Nos tin e intenshon pa terminá e prosedura na yanüari/febrüari.